Lágættarvindurin og uppgangurin síðstu nátt hevur gjørt feigdina um seg á sparkivøllin í Nólsoy.
Graslíkið, sum hevur ligið á vøllinum, er helst meira ella minni alt farið, og brimið hevur eisini grivið nakað upp í undirlagnum, eins og nógv grót er skolað inn á vøllin.
Girðingin uttan um vøllin hevur eisini fingið skaða í uppganginum.
Úr Nólsoy verður sagt, at hetta er ikki fyrstu ferð, at uppgangur ger skaða á sparkivøllin, men nøkur ár hava verið ímillum.
Hóast nógv grót er lagt sum verja í lága landinum eystan fyri, megnar verjugarðurin ikki at taka alt, tá slíkur uppgangur er.
Myndina hevur Pedda Hansen í Nólsoy tikið.
