Unn er uttan iva ein av okkara fremstu songfuglum. Hon syngur sera sannførandi, og hon hevur eitt sterkt innlit í tónleikin sum verður framførdur á pallinum. Hetta gevur henni eitt stórt yvirskot til hennara framførslu.
Unn hevur áður forkelað okkum við tveimum góðum útgávum. Gloymska Við Grape var slóðbrótandi poppur í einum hami, sum ikki áður er hoyrdur her á landi. Síðan fór Unn at arbeiða uppá eitt meiri jassutt konsept, sum hon kallaði fyri RUN .
Teir sum spæla saman við Unn Patursson eru Rógvi á Rógvu á trummum, Arnold Ludvig á bass og Magnus Johannessen á tangentum.
