So bleiv váttað, at Ryan Giggs, Gary og Phil Neville, Nicky Butt og Paul Scholes høvdu keypt eitt felag, men tó ikki Manchester United.
-Vit fara at brúka royndir okkara til hjálpa ungum monnum, sigur Ryan Giggs.
Salford City er eitt lítið felag í Manchester, men tað er ikki av tilvild, at teir gomlu United-spælararnir valdu júst tað felagið. Paul Scholes er ættaður úr Salford, Gary Neville vandi í Salford, tá hann kom til United, og Ryan Giggs býr har.
-Salford City minnir okkum á tey gomlu góðu árini, og ítróttarandin har er eisini tann rætti, sigur Gary Neville við enskar fjølmiðlar.
