Tað er eingin slingur í valsinum hjá teimum trimum, sum stríðast um eingilska meistaraheitið í fótbólti. Í gjárkvøldið legði Arsenal við 3-0 heimasigri á Newcastle trýst á kappingarneytarnar Manchester United og Chelsea, sum spældu í kvøld.
Bæði Manchester United og Chelsea áttu heimavøll í kvøld, og hjá báðum eydnaðist at fáa fulla úrtøku. Harvið er Manchester United aftur oddalið. Teir hava 57 stig og betri málmun enn Arsenal.
Á Old Trafford var tað enn eina ferð Cristiano Ronaldo, sum var í miðdeplinum. Hann skoraði beinanvegin tvey mál, og so vann Manchester United 2-0 á Portsmouth.
Michael Ballack skoraði einsamalla málið í 32. minutti, tá ið Chelsea vann 1-0 á Reading.
Vánaliga gongdin hjá Liverpool helt fram, tá ið West Ham vann 1-0 á teimum reyðu. Einsamalla málið skoraði Mark Noble í 90. minutti.
Úrslit í hesi vikuni:
Middelsbrough-Wigan 1-0
Sunderland-Birmingham 2-0
Arsenal-Newcastle 3-0
Bolton-Fulham 0-0
West Ham-Liverpool 1-0
Derby-Manchester City 1-1
Chelsea-Reading 1-0
Manchester United-Portsmouth 2-0
Everton-Tottenham 0-0
