"Besta løtan" eitur nýggjur jólasangur, sum Uni Arge hevur skrivað, og sum lýsir friðsælu vetrarkvøldini, gleðina á jólum og eisini einsemið, sum summi kenna um høgtíðina.
Um nýggja jólasangin sigur Uni Arge: - hetta er ein nýggjur jólasangur, eg havi sett orð og lag til og júst spælt inn í Kristuff Studio. "Besta løtan" kallast hann. Gjørdi ein jólasang fyri nógvum árum síðan um nissuna, Pjøssu. Tað var ein barnasangur. Hesin er ætlaður øllum, børnum sum vaksnum.
Sangur og guitar: Uni Arge.
Bass, strúkarar og klokkur: Kristoffur Mørkøre.
Trummur: Tórur Dam Jacobsen
Framleiðsla: Krisstuff Studio.
TRÝST á PÍLIN á MYNDINI, fyri at hoyra nýggja jólasangin hjá Una Arge.
