Epileptikarafelag Føroya skipar í annaðkvøld fyri tiltaki í Miðlahúsinum, har kunna verður um, hvussu tað er at hava epilepsi sum ungur.
At liva við epilepsi
Tað serliga við at hava epilepsi sum ungur er, at hetta er eitt tíðarskeið í lívinum, sum frammanundan er merkt av stórari óvissu. Støðuga hóttanin um enn eitt epileptiskt herðindi kann tí gera tann unga enn meir ótryggan.
Soleiðis sigur Bjarki á Rógvi Hansen, neurologur, ið fer at greiða nærri frá ungum og epilepsi týskvøldið í Miðlahúsinum.
Úr Danmark kemur 27 ára gamli Mads Boe at greiða frá, hvussu tað var at fáa staðfest epilepsi sum 18 ára gamal, og hvussu hann í dag livir eitt virkið lív.
Eisini fer 20 ára gamla Ása Súnadóttir av Skála at siga eitt sindur um, hvussu tað var at fáa staðfest epilepsi fyri trimum árum síðani.
À fundinum verður eisini høvi hjá áhoyrarnum at seta spurningar.
Tiltakið byrjað klokkan 19.30
