Í næstum verður skipað fyri 6 undirvísingargudstænastum í Eiðis prestagjaldi. Undirvísingargudstænasturnar verða 2 dagar í september, oktober og november, har ið nomið verður við nakað av tí heilt grundleggjandi í okkara kristnu trúgv.
Øll eru hjartaliga vælkomin, skrivar Eiðis prestagjald á folkakirkjan.fo.
Altargongd verður eisini hvørja ferð.
Skráin:
03. september kl. 11.00 í kirkjuni við Norðskála.
Evni: Trúgvin.
24. september kl. 11.00 í Gjáar kirkju og kl. 13.00 í Funnings kirkju.
Evni: Avnoktanin.
01. oktober kl. 12.00 í Eiðis kirkju.
Evni: Lógin og evangeliið.
15. oktober kl. 12.00 í kirkjuni við Norðskála.
Evni: Játtanarritini.
12. november kl. 11.00 í Funnings kirkju og kl. 13.00 í Gjáar kirkju.
Evni: Náðimiðlarnir.
19. november kl. 12.00 í Eiðis kirkju.
Evni: Dómurin.
