Russisku fjølmiðlarnir hava gjørt nógv burtur úr einari røð av morðum í og nærhendis Bitsevskij-lundini í Moskva, og nú bendir nógv á, at sami maður myrdi øll.
Í juni í fjør tók løgreglan í Moskva ein 32 ára gamlan mann, og undir avhoyringunum viðgekk maðurin, at hann hevði lagt ætlanir um at myrða 64 fólk - eitt fyri hvønn puntin á einum talvborði.
Løgreglan hevði tó ilt við at trúgva manninum, tí tá vóru "bara" 14 lík funnin í og við Bitsevskij-lundina, men nú sigur løgreglan seg hava upplýsingar, sum kunnu seta tann 32 ára gamla í samband við 62 morð, skrivar Itar-Tass.
