VINNA
- Hetta hevur verið ein løtt avgerð, tí hotellið má umvælast.
Tað sigur stjórin, Johannes Jensen, á báðum gistingarhúsunum – Hotel Føroyar og Tórshavn – nú Hotel Tórshavn fær enn eina andlitslyfting.
Andlitslyfting er tó kanska ikki tað heilt rætta orðið, tí tað er ikki ikki fasadan, men øll tey 43 kømurini, sum hesaferð verða umvæld. Tí ber ikki til at gista á Hotel Tórshavn frá 1. januar til 15. mars 2007.
Umvælt verður fyri fleiri milliónir. Hvussu nógvan pening talan er um, vil Johannes Jensen ikki avdúka, men stjórin váttar, at tá alt er íroknað, tvs. eisini matstovan og barrin í neðra, er talan um eina tvísiffraða milliónaupphædd.
Hóast tað gamla sjómansheimið fyri nøkrum árum síðani fekk eina størri upphædd frá einum grunni hjá A. P. Møller, so metir stjórin tað vera neyðugt við eini umfatandi umvæling, tí sum hann tekur til, so eru kømurini á Hotel Tórshavn ikki nútíðarhóskandi í sniði, funktionaliteti og liti. Talan verður kortini ikki um at taka veggir niður og tílíkt, men heldur um at skifta t.d. innbúgv og teppi og at mála kømurini, so tey verða í sama stíli sum tær báðar niðastu hæddirnar.
<B style="mso-bidi-font-weight: normal"$?$end$!$
<B style="mso-bidi-font-weight: normal"$?$end$!$Møguliga gosbað
Á hotellinum eru eisini tríggjar suitur, og enn er ikki endaliga avgjørt, hvussu tær fara at síggja út eftir umvælingina. Tað veldst um, hvussu møguleikarnir eru fyri at útbyggja tær, men har verður okkurt serligt gjørt burturúr, sigur Johannes Jensen. Spurdur, um stjórin kann vátta leysasøgurnar um, at nú fer at bera til at fara í gosbað á gamla sjómansheiminum, sigur hann, at hetta verður av álvara umhugsað, um møguleiki er fyri, nú suiturnar skulu innrættast. Harafturat verða flatskermar og annað tilhoyr keypt inn sum nýtt innbúgv, og kanska verða suitarnar innrættaðar soleiðis, at eisini fer at bera til at brúka hesar til fundarhøli
Johannes Jensen leggur tó afturat, at tað framvegis verður talan um eitt trístjørnað hotell, meðan Hotell Føroyar framvegis verður eitt fýra-stjørnað hotell.
<B style="mso-bidi-font-weight: normal"$?$end$!$Roykfrítt umhvørvi
Hotel Tórshavn verður tó eitt nýtt city-hotell, sum hann kallar tað. Eitt, sum fleiri helst longu hava lagt merki til, er, at hotellið er roykfrítt. Eisini í barrini. Jóhannes Jensen, sigur, at sjálvandi hava tey hoyrt ymist um hetta, men at tað roykfría sum heild er væl móttikið. Orsøkirnar til roykibannið eru sambært stjórnanum trinnar. Fyri tað fyrsta er hetta fyri at verja starvsfólkið, tí at arbeiða í umhvørvi við tubbaksroyki er sera heilsuskaðiligt. Fyri tað næsta er hetta fyri trygdina, og fyri tað triðja er hetta fyri viðskiftafólkið.
- So í júst hesum førinum er raðfylgjan øvugt í mun til tað vanliga, sigur Jóhannes Jensen, sum leggur afturat, at á Hotel Føroyum hevur verið roykiforboð síðan 1. januar 2004.
- Allur bygningurin verður roykfríur, á umvælingin er liðug í mars, sigur hotellstjórin, sum viðgongur, at hetta kanska er at taka frælsið frá fólki, men at tað verður gjørt fyri trygdina, umframt at reingerðingin verður lættari. Í hesum sambandi fær Hotel Tórshavn í næstum eina nýggja sonevnda ABA-trygdarskipan, sum summi hotell brúka í síni marknaðarføring.
MYNDATEKSTUR
Øll kømurini vera umvæld á Hotel Tórshavn, og tí ber ikki til at gista har aftur fyrr enn í marsmánaði
