Ukrainski herurin sigur seg hava rakt eina stóra russiska verksmiðju í býnum Dzerzjinsk, og hetta er ein verksmiðja, sum framleiðir lóður.
Haraftrat er eisini ein oljuterminalur á Krim-hálvoynni raktur í ukrainskum álopum.
Sagt verður, at verksmiðjan, sum framleiðir spreingievni, er ein av høvuðsveitarunum til russiska herin.
Haraftrat er oljuterminalurin á Krim týðandi í veitingini av brennievni til russisku krígsmaskinuna.
Í einum boðum sigur umboð fyri ukrainska herin, at talan var um fleiri spreingingar, tá lopið varð á verksmiðjuna, sum framleiðir spreingievni.
Um álopið á oljuterminalin á Krim-hálvoynni verður sagt, at eldur stóð úr terminalinum.
Norska kringvarpið - NRK - sum skrivar um ukrainsku álopini, sigur, at higartil hevur Russland ikki gjørt viðmerkingar til hendingarnar.
##med2##
