Í morgun sigur ukrainska loftverjan, at 35 av 39 dronum, sum russar í nátt hava skotið eftir málum í Ukraina, eru skotnar niður.
Hetta veit tíðindastovan, Reuters, at siga í morgun.
Lagt verður aftrat, at russisku dronurnar eru skotnar niður har eysturi og har suðuri í landinum.
Reuters veit eisini at siga, at ein ukrainsk drona hevur sett eld í eina russiska oljugoymslu í Kursk-regiónini.
Kursk-regiónin liggur uppat markinum til Ukraina.
Tíðindastovan endurgevur guvernørin í regiónini, Roman Starovojt, fyri at bera tíðindini um ukrainska álopið á oljugoymsluna.
- Sløkkilið og neyðhjálparfólk arbeiða í økinum, har eldur er í goymsluni, skrivar guvernørurin sambært Reuters á Telegram.
