Ukraina leggur til rættis mótálop í krígnum ímóti Russlandi.
Tað sigur ukrainski verjumálaráðharrin á eitt ára degnum fyri russisku innrásina, skrivar tíðindastovan AFP.
– Fyri einum ári síðani var tað trupult hjá okkum at fáa tung vápn. Í dag síggja siviliserað lond, at vit eru evropiska verjan móti eystri.
– Tað verður eitt mótálop. Vit arbeiða hart við at fyrireika og tryggja tað, sigur verjumálaráðharrin, Oleksii Reznikov.
Sambært ráðharranum eru ukrainsku deildirnar í ferð við at leggja til rættis eitt mótálop, sum skal trýsta russisku hermenninar úr landinum.
Eisini forsetin í Ukraina, Volodymyr Zelenskyj, hevur í dag boðskapin um, at ukrainsku deildirnar halda fram við stríðnum við røttum ryggi.
– Vit hava megnað tað. Vunnið er ikki á okkum. Og vit gera alt fyri at røkka sigrinum í ár, sigur Zelenskyj í einum boðum á Facebook.
Sambært forsetanum broyttu fyrstu mánaðirnir av krígnum »heimsins uppfatan av Ukraina«. Ukraina fall ikki upp á tríggjar dagar, men megnaði í staðin at bremsa tí næststerkasta herinum í heiminum, vísir hann á.
– Ukraina hevur givið heiminum íblástur. Ukraina hevur savnað heimin, sigur Zelenskyj.
Myndirnar niðanfyri vísa gongdina í krígnum:
/ritzau/AFP
##med2##
##med3##
##med4##
##med5##
##med6##
