Champions League-finalan skal kortini ikki spælast á Krestovsky Stadium í Sankta Pætursborg síðst í mai.
Eftir russiska álopið á Ukraina hevur Evropiska Fótbóltssambandið (Uefa) gjørt av at flyta stóra dystin úr næststørsta býi í Russlandi.
Hesum boðar Uefa frá eftir fund við stuttum skotbrá í felagsins eksekutivkomité í dag.
Í staðin skal Stade de France í París vera karmur um finaluna í fínsta kappingini í Evropa. Tað verður triðju ferð, at franski tjóðarleikvøllurin hýsir Champions League-finaluni. So var eisini í 2000 og í 2006.
– Uefa vil senda sína tøkk til Franska forsetan, Emmanuel Macron, fyri persónliga stuðul og virki hansara fyri at fáa flutt ein av størstu fótbóltsdystum til Frankaríki í eini krepputíð, verður sagt í boðum frá Uefa.
Hesa vikuna hevur trýst verið á Uefa til tess at fáa finaluna flutta, so hvørt kreppan millum Russland og Ukraina hevur ment seg.
Eftir at Russland leyp á Ukraina í gjár gav Uefa-forsetin Aleksander Ceferin fundarboð í eksekutivkomitéini í dag.
Uefa hevur á dagsins fundi eisini gjørt av at allir dystir og Uefa-kappingar við russiskum ella ukrainskum bólkum í óvissa tíð skulu spælast á uttanveltaðum vølli.
Tað fær skjótt avleiðingar fyri Spartak Moskva, sum skal heimadyst í Europa League áttandaparts finaluni, sum lutakast verður um seinni í dag.
Russiska fótbóltslandsliðið skal síðst í mars spæla minst ein playoffdyst á heimavøllini um at koma til VM, men tað óvist verður, hvussu tað verður við hesum dysti, tí altjóða fótbótlssambandið Fifa hevur ikki tikið støðu til tað enn.
/ritzau/
