Hondbóltssambandið skipar á fyrsta sinni fyri kapping millum tey heilt ungu.
Kappingin verður fyri U8 leikarar, og undirtøkan er góð. Átta feløg hava meldað heili 29 lið til kappingina, sum verður á Giljanesi leygardagin.
Vertirnir, Søljan og SÍF, ganga á odda og hava meldað fýra gentulið og fýra dreingjalið til kappingina.
Byrjað verður klokkan 10 leygarmorgunin, tá elstu dreingirnir spæla. Genturnar byrja klokkan 13.20.
