Í kvøld klokkan 18 spæla U21-landsliðni hjá Føroyum og Kroatia EM-undankappingardyst við Djúpumýru í Klaksvík.
Ígjár ljóðaði, at tað var gott og væl útselt til dystin.
Til ber at hoyra beinleiðis frásøgn á FM1 ella at síggja dystin á Rás1 hjá Televarpinum.
Hetta verður fjórðu ferð, at vøllurin við Djúpumýru verður heimavøllur í einum EM-undankappingardysti hjá føroyska U21-landsliðnum.
Føroyska U21-landsliðið hevur enn ikki tapt ein dyst á vøllinum, men hevur hinvegin heldur ikki vunnið ein dyst við Djúpumýru. Allir tríggir dystirnir hjá U21-landsliðnum á vøllinum við Djúpumýru eru endaðir við javnleiki.
Føroyar-Norðurmakedonia 1-1 (1-0) - 7. oktober 2021
1-0 Andrass Johansen (8.)
1-1 Marko Gjorgjievsk (55.)
Føroyar-Serbia 1-1 (0-0) - 7. juni 2022
1-0 Jørgen Nielsen (55.)
1-1 Stefan Mitrovic (77.)
Føroyar-Andorra 2-2 (1-1) - 16. juni 2023
1-0 Jørgen Nielsen (13.)
1-1 Gerard Sola Garcia (22.)
1-2 Aron Tapia (58.)
2-2 Gutti Dahl Olsen (74.) - 16. juni 2023
Kelda: FaroeSoccer
Javnleikirnir móti Norðurmakedonia og Serbia standa sum tvey framúr góð úrslit, meðan javnleikurin móti Andorra í fyrstu atløgu stendur sum eitt minni gott úrslit. Tó er vert at hava í huga, at Andorra hevur megnað tveir javnleikir móti Belarus í undankappingini.
Ein javnleikur ímóti Kroatia í kvøld hevði verið eitt framúr gott úrslit.
