Í morgin klokkan 17.30 skal føroyska U21 landsliðið í holt við sína higartil størstu uppgávu í EM-undankappingini, tá teir taka ímóti bólkafavorittunum, Týsklandi.
Óføru fjeppararnir hjá "Skansanum" ætla ikki, at okkara ungu landsleikarar skulu verða við sviðið soð, tá talan er um stuðul uttanfyri vøllin.
"Skansin" boðar frá í tíðindaskrivi, at upphiting til dystin verður í niðastu hæddini av B36 húsinum frá kl. 16, har Føroya Bjór bjóðar okkurt drekkandi til bæði børn og vaksin. Andlitsmáling og merchandise søla er á skránni og til børnini verður reikað við borðfótbólti og FIFA14.
Til ber at keypa atgongumerki á fsf.fo. Tað kostar 80 krónur fyri vaksin, og 40 krónur fyri børn.
Rás2 sigur frá dystinum. Sendingin byrjar við upptakt frá klokkan 17.30. Til ber eisini at fylgja dystinum her á in.fo.
(Mynd: fsf.fo)
