Føroyska U20 manslandsliðið í flogbólti tapti fyri løtu síðani tepurt 2-3 ímóti Skotlandi í EM-kappingini fyri smátjóðir.
Føroyska U20 manslandsliðið var á odda 2-1 í settum, men tað bar ikki á mál. Tað gjørdi tað ikki frægari, at Hákun Heinason Weihe bleiv skaddur í fimta og avgerandi settinum. Føroyar vóru á odda 11-9 tá Hákun bleiv skaddur, og tað kom illa við hjá føroyska liðnum.
Settmunurin í dystinum var 25-19, 21-25, 25-20, 21-15 og 13-15.
Fyrr í dag vann Luksemborg 3-1 á Íslandi (24-26, 25-15, 25-16 og 25-23)
Ígjár vann Luksemborg 3-1 á Skotlandi, og Føroyar vunnu 3-1 á Íslandi
Luksemborg hevur seks stig, Føroyar hava fýra stig, Skotland hevur trý stig og Ísland hevur einki stig.
Skulu Føroyar vinna EM fyri smátjóðir krevur tað ein 3-1 ella 3-0 sigur yvir Luksemborg í morgin. Tann dysturin byrjar klokkan 17 í høllini á Hálsi. Óli G. Samuelsen sigur beinleiðis frá dystinum á Rás2.
Ísland og Skotland spæla klokkan 14 í morgin.
