Týskvøldið var føroyska liðið á útivølli suðuri í Montenegro, og heimaliðið vann 3-0.
Eftir 1. hálvleik var 1-0. Málið varð skorað longu í 3. minutti, og fyrstu løtuna í eftir steðgin gekk tað heldur ikki væl. Montenegro økti um munin til 2-0, tá ið 2. hálvleikur var sjey minuttir gamal, og fjúrtan minuttir seinni var 3-0.
Føroyska liðið hevði góðan møguleika at vara aftur, tá ið støðan var 2-0. Dómarin bríkslaði fyri brotssparki til Føroyar. Miðvallarin Bogi Reinert Petersen royndi seg úr ellivu metrum, og málverjin bjargaði.
Tað sást væl, at føroyska liðið hevði verið í intensum dysti fríggjakvøldið, og at teir síðani høvu ferðast nógv og langt. Teir vóru ikki so væl fyri, sum teir vóru ímóti Rumenia. Mótstøðuliðið spældi ikki fríggjakvøldið.
Montenegro – Føroyar 3-0(1-0)
1-0 Mugosa, 8
2-0 Boljevic, 51
3-0 Mugosa 65
Føroyar: (4-2-3-1)
Føroyar: Kristian Joensen, NSÍ – Bárður Hansen, Víkingur, Hørður Askham B36, Sonni Ragnar Nattestad, FC Midtjylland, René Shaki Joensen ,Brøndby(Pál M. Joensen, 53.min) – Árni Frederiksberg, NSÍ, Ivan Joensen, KÍ, Bogi Reinert Petersen, ÍF(Eli F. Nielsen, 64.min), Gilli Sørensen, B36(Gunnar Christiansen, 82.min) – Ari Ellingsgaard, ÍF – Gunnar Zachariasen, EB/Streymur.
