Mánadagin var tyrlan boðsend eftir einum manni umborð á Topas.
Sambært MRCC hevði maðurin fingið ein arbeiðsskaða umborð á partrolaranum. Ikki er eydnast in.fo at fáa greiðu á, hvat er hent umborð.
Maðurin varð fluttur á landssjúkrahúsið og sum skilst verður hann lagdur undir skurð í dag.
Topas var staddur 20 fjórðingar vestur úr Suðuroynni, tá tyrlan var tilkallað. Sambært MRCC var veðrið gott og sjúkraflutningurin gekk væl.
