Áki D. Samuelsen slapp á vøllin í 82. minutti, tá Mjällby í dysti á útivølli vann stórsigur 4-1 (3-0) á Degerfors í bestu svensku fótbóltsdeildini, Allsvenskuni. Tá Áki kom á vøllin var støðan 3-1.
Mattias Hellisdal slapp ikki á vøllin, tá Västerås á heimavølli tapti 0-1 (0-0) fyri GAIS.
Mjällby er aftaná eina trilvandi byrjan fjórðfremst í deildini við 13 stigum. Teir hava trý stig upp til oddaliðið, Sirius úr Uppsala, ið sensasjónelt er fremst í deildini.
Västerås er fimtaftast við átta stigum.
Komandi hósdag klokkan 14 hevur Mjällby dyst á heimavølli móti Hammarby. Sunnudagin 17. mai klokkan 15.30 hevur Västerås dyst á heimavølli móti AIK Stockholm.
