- Veðurforsøgnin fyri í nátt og í morgin, hósdagin 31. januar, ber við sær avlýsingar á eitt nú dagstovnaøkinum í Tvøroyrar kommunu.
Á Tvøroyri vísa tey í dag á, at niðanfyrinevndu stovnar verða stongdir í morgin:
* Barnagarðurin Mýrifípan.
* Frítíðarskúlarnir hjá Glugganum og frítíðarskúlin hjá 1. og 2. flokki.
* Ungdómshúsið, Pakkhús 4.
* Ítróttarhøllin í Trongisvági. Her verður einki frítíðarvirksemi í morgin, 31. januar.
* Ítróttardepilin við Stórá. Her verður einki frítíðarvirksemi í morgin, 31. januar.
* Ruskplássið undir Akurgerði.
- Kunnað verður um møguligar broytingar á heimasíðuni hjá okkum og á Facebook-vanganum hjá kommununi, siga tey í Tvøroyrar kommunu í dag.
