Manchester United úr Onglandi og Paris Saint Germain eru fyrstu liðini, ið so gott sum hava tryggjað sær víðari luttøku í Champions League kappingini. Á pappírinum kann Manchester United verða yvirhálað, um teir tapa báðar teir síðstu dystirnar í bólkaspælinum, meðan víðari luttøkan hjá Paris Saint Germain er heilt trygg.
Tey bæði liðini vunnu í kvøld sínar dystir í Champions League bólkaspælinum, og eru bæði tvey ósigraði eftir fyrstu fýra umførini. Manchester United vann á heimavølli 2-0 móti Benfica, meðan Paris Saint Germain vann heili 5-0 á heimavølli móti Anderlecht.
Mest óvæntaðu úrslitini í kvøld vóru í bólki C. Har vann AS Roma greiðan 3-0 sigur móti ensku meistarunum úr Chelsea, meðan Atletico Madrid ógvuliga óvæntað spældi 1-1 javnleik á heimavølli móti Qarabaq.
Tað var eisini eitt sindur óvæntað at báðir dystirnir í bólki D endaðu við javnleiki. Í bólki D spældi Barcelona 0-0 javnleik á útivølli í Grikkalandi móti Olympiakos, meðan Juventus spældi 1-1 javnleik á útivølli móti Sporting í Portugal.
Úrslitini í kvøld:
Bólkur A:
Basel – CSKA Moskva 1-2
Manchester United – Benfica 2-0
Bólkur B:
Celtic – Bayern Munchen 1-2
Paris Saint Germain – Anderlecht 5-0
Bólkur C:
Atletico Madrid – Qarabaq 1-1
Roma – Chelsea 3-0
Bólkur D:
Olympiakos – Barcelona 0-0
Sporting – Juventus 1-1
