Trý føroyingarlið í næstbestu donsku hondbóltsdeildini vóru í leiki í dag.
Teis Horn Rasmussen, Peter Krogh og liðfelagarnir í HC Aarhus vunnu á útivølli 28-24 á Odder. Í steðginum var Odder á odda 14-13.
Peter Krogh skoraði eitt mál.
HC Aarhus er nummar seks í deildini við níggju stigum.
Pauli Mittún (myndin) og liðfelagarnir í Team Sydhavsøerne taptu tepurt 27-28 fyri Midtjyllandi á útivølli. Í steðginum var Team Sydhavsøerne á odda 15-14.
Pauli skoraði fimm mál
Team Sydhavsøerne er nummar fimm í deildini við níggju stigum.
Niklas Højgaard Hanusarson og liðfelagarnir í Skovbakken máttu eisini lúta á útivølli fyri Rækker Mølle, ið vann dystin 32-28. Í steðginum var heimaliðið á odda 15-12.
Niklas skoraði tvey mál.
Skovbakken er á einum áttanda plássi við átta stigum.
Nú fara menn at fokusera upp á dystirnar hjá føroyska manslandsliðnum móti Íslandi í Laugardalshøllini í Reykjavík 3. og 4. november.
