Eitt størri ísfiskalínuskip og tvey smærri eru í løtuni á Føroyabanka.
Eitt ísfiskalínuskip er eisini á Íslandsrygginum og kemur helst inn at landa í næstu viku.
- Skipini fáa mest av toski, hýsu, longu og brosmu og so nakað av svartkalva, vita tey á Fiskamarknaði Føroya at siga í dag.
Í løtuni eru eisini fýra frystilínuskip undir Føroyum, og trý eru til fiskiskap á Flemish Kap.
Um útlitini til útróður í næstu viku verður sagt, at streymurin verður hampiligur, og veðrið sær út til at gerast gott.
- So, vit vænta, at nakað verður av útróðri, men fiskiskapurin hjá útróðrarbátunum er smáligur, verður lagt aftrat.
