Tveir ungir menn tóku í dag sæti á tingi. Terji Beder tók sæti fyri Henrik Old úr Javnaðarflokkinum, og Grímur Sundstein tók sæti fyri Árna Skaale úr Fólkaflokkinum.
Henrik Old hevur í skrivi í dag søkt farloyvi úr Løgtinginum, og hann boðar frá, tá hann tekur sæti aftur.
Terji Beder var nummar 14 á lista Javnaðarfloksins við 145 atkvøðum, hevur í tí sambandi tikið sætið á tingi.
Í skrivi 7. oktobur 2025, hevur Árni Skaale løgtingsmaður, biðið um farloyvi sambært § 63 í Tingskipanini, og um at næsta fólk á lista Fólkaflokksins tekur sæti á tingi.
Grímur Sundstein gjørdist nummar 7 hjá Fólkaflokkinum á seinasta vali við 145 atkvøðum.
Farloyvi hjá Árna Skaale er galdandi frá 21. oktobur til og við 15. novembur 2025
