Soleiðis kann tað ganga, tá fólk skifta millum flokkar mitt í einum valskeiði.
Tá býráðsval var seinast í 2020, var Annika Olsen fólkaflokskvinna og borgarstjóri í Havn fyri Fólkaflokkin. Hon varð afturvald á valinum saman við Birgir Nielsen á Fólkaflokslistanum.
Men nú er Annika Olsen tjóðveldiskvinna og hevur boðað frá, at hon nú umboðar Tjóðveldi í býráðnum í Havn.
Tað ber val til at gera tað, tí ræður hon sjálv fyri. Men tá hon fer í farlovyi, so fellur mandatið aftur til Fólkaflokkinum og næsta fólk á listanum hjá Fólkaflokkinum eigur at møta.
Næsti maður á Fólkaflokslistanum er Kristian Martin Skála. Men honum barst frá at møta, tí møtti nummar fýra á listanum hjá Fólkaflokkinum. Og tí kunnu vit siga, at Fólkaflokkurin aftur var fullmannaður á býráðsfundinum í Havn.
Tvey onnur fólk tóku eisini sæti í býráðnum í dag. Jóhan Petur Johannesen møtti fyri Annfinn Brekkstein úr Sambandsflokkinum. Birita B. Iversen møtti fyri Kristionnu Winther Poulsen úr Javnaðarflokkinum.
