Hetta vikuskiftið hevur verið eitt av teimum friðarligu hjá løgregluni. Soleiðis var leygarnáttina, og soleiðis var eisini í nátt.
Leygarnáttina var ikki nógv fólk í býnum, og í nátt var sambært vaktleiðaranum heldur ikki av tí mesta av fólki í býnum í Havn.
- Bæði kvøldini hevur verið vindur, kalt, illfýsið og partvís vátaslettingur, og spurningurin er, um hetta kanska hevur hildið fólki aftur at fara í býin.
Tað er tó sjáldan, at løgreglan er púrasta arbeiðsleys eitt vikuskifti í náttarlívinum í Havn, og eisini í nátt er onkur, sum var sovnaður, hjálptur á føtur aftur.
Í nátt hevur løgreglan eisini havt nøkur átøk í ferðsluni, har bilar og bilførarar eru kannað, eitt nú í Norðoyggjum, Eysturoy og Norðstreymoy.
Vaktleiðarin á løgreglustøðini í Havn visti í morgun at siga, at her vísti alt seg at vera í lagi, og eingi mál vórðu skrivað í hesum kanningum.
