Tann eina fløgan ber heitið Just Before The Dawn. Tað eru upptøkur frá Corona Guiter Kvartett, sum eru gjørdar niðri í Danmark. Føroyingurin Ólavur Jakobsen einasti føroyingurin í bólkinum.
Hinir í bólkinum eru Per Dybro Sørensen, Volkmar Zimmerman og Tom Roy Nielsen, sum tíverri doyði, áðrenn fløgan varð útgivin.
Bara tvær skeringar eru á fløguni. Tann fyrra er í góðar tríggjar minuttir, meðan tann seinna varir heilar 22 minuttir. Skeringin kallast Foreplay, og hon er eitt verk eftir Dan Marmorstein.
Hin fløgan kallast Jakkin. Tíggju skeringar eru á fløguni, og upptøkurnar eru eftir øllum at døma gjørdar í Danmark fyri einum góðum ári síðani.
Jóan Jakku Guttesen hevur skrivað tekstin til øll tíggju løgini, og hann syngur, spælir bass og munnharpu. Við á fløguni eru nøkur av okkara fremstu tónlistafólkum. Terji Rasmussen syngur kór og spælir guitar, Tróndur Bogason Hansen spælir keyboard, Leivur Thomsen spælir el-guitar, Rógvi á Rógvu er á trummum og Signhild Jacobsen leikar á klarinett.
Tað er Sightseeing Productions hevur staðið fyri hesi framleiðsluni.
