Víkingur hevur longt sáttmálan við tvíburarnar, Hans Jákup og Elias Lervig. Nýggi sáttmálarnir eru galdandi fram til 2020. Tað boðar felagið frá um vikuskiftið.
- Tvíburðarnir Hans Jákup og Elias Lervig hava longt sáttmálan við barndómsfelagið Víking fram til 2020. Felagið fegnast yvir at ágrýtni og dugnaligu brøðurnir halda fram, skrivar felagið á Facebook.
Víkingur er í hesum døgum á venjingarlegu í Svendborg í Danmark. Eftir samlaða ósigurin fyri HJK Helsinki úr Finnlandi í 1. umfari í Champions League, skal Víkingur nú spæla móti Torpedo Kutaisi úr Georgia í 2. undanumfarinum í Europa League.
