Í gjár boðaði enska felagið Chelsea frá, at venjarin seinastu 18 mánaðirnar, Frank Lampard, varð sagdur úr starvi.
Í kvøld hevur felagið so váttað gitingarnar um, at tað verður týski Thomas Tuchel, ið tekur við venjarastarvinum í felagnum. Tuchel hevur áður vant Boroussia Dortmund og seinnu árini franska meistarafelagið Paris Saint Germain.
Hann hevur fyribils fingið ein sáttmála, ið er galdandi fram til á sumri 2022 við møguleika fyri at longja sáttmálan.
Í morgin spælir Chelsea ímóti Wolverhampton í Premier League, og tá verður Thomas Tuchel á beinkinum á fyrsta sinni.
