Kriminalforsorgin letur dyrnar í Arrestini í Mjørkadali upp. Í Arrestini sita fólk, sum eru dømd styttri fongsulsdómar fyri lógarbrot.
Í sambandi við Mentanarnáttina í Havn í dag og í kvøld verður rundvísing í húsinum, sum einaferð var partur av hernaðarligum virksemi í Føroyum. Umframt rundvísingina verður eisini møguligt at keypa framleiðslu hjá teimum innsettu.
Listamaðurin Joel Cole hevur verkstað og framsýningarhøli í sama grannalag, og hann hevur eisini javnan lundirvísing og aktivitetir við teimum innsettu, sum eru áhugaðir í handverki og list. Høvi verður at vitja hjá Joel Cole.
Kriminalforsorgin boðar frá, at tað er avmarkað pláss til vitjanina í Arrestini, og fólk verða biðin um at melda seg til. Tiltakið er frá klokkan kl. 16:00-19:00. Meira sæst um hetta í skránni fyri Mentanarnáttina.
