Hetta vikuskiftið verður kappast um hvør skal manna føroyska súkklulandsliðið, ið skal til Bermuda í summar!
Byrjað var klokkan 18 í kvøld, har koyrt verður landavegkoyring, og kappast verður á einum teini millum Hósvík og Saksun!
Leygardagin verður einkultstartur í Vágunum og sunnumorgun verður tað so býarkoyring á skránni.
Einasti súkklari, sum longu er úttikin er Torkil Veyhe, grundað á hansara góðu úrslit uttanlands.
Súkklulandsliðsvenjarin, Gunnar Dahl Olsen vitjaði seinnapartssendingina hjá Rás2 til eitt prát um úttøkukappingina.
Tað ber til at hoyra prátið í ljóðbrotinum undir greinini.
