Tað eydnaðist ikki hjá verjandi meistarunum úr Neistanum at fáa veruligt samband við oddin, tá tær vitjaðu í Vestmanna í dag.
Neistin fekk fyrsta málið í dystinum, men so tók VÍF fullkomuliga yvir, og Neistin megnaði ongan tíð heilt at fóta sær. Gjøgnum allan dystin hildu tær gulu á heimaliðnum fast um sína leiðsu, og tað kostaði eisini nógva orku hjá Neistanum, tá tær royndu at seta ferð á spælið, so munurin kundi vinnast aftur.
Besti málskjútti hjá VÍF var Agnas Olsen, sum skeyt 7 mál. Jacklin Durhuus skeyt 8 mál fyri Neistan.
Við sigrinum er VÍF nú einsamalt á odda við 12 stigum fyri átta dystir. Neistin hevur átta stig fyri sínar sjey dystir.
VÍF-Neistin 3124 (18-15)
