Trý línuskip koma inn at landa mánadagin. Skipini hava eina blanding av toski, hýsu, brosmu og longu, og væntandi verða nøgdirnar av toski tær størstu.
Fiskamarknaður Føroya veit í dag at siga, at trý av teimum smærru línuskipunum eru nýliga byrjaði.
- Hesi skipini fiska tosk og hýsu og landa helst síðst í næstu viku.
Væntandi landar eitt línuskip aftrat síðst í næstu viku, og veiðan hjá hesum skipi er mest mest toskur og hýsa.
- Restin av línuflotanum er nýliga byrjaður túr ella fer út í næstum.
Um útlitini til útróður, sigur Fiskamarknaður Føroya, at streymurin verður hampiligur, men veðrið verður ikki av tí besta.
- Tí verður ikki roknað við stórvegis útróðri í næstu viku, verður lagt aftrat.
