Tá Fiskamarknaður Føroya fríggjadagin gjørdi sínar metingar um landingar hesa vikuna, vóru bara trý línuskip til fiskiskap. Eitt skip var undir Íslandi, og eitt var undir Føroyum.
- Skipini undir Føroyum fiska mest tosk og hýsu, meðan skiipið, sum fiskar undir Íslandi, fær blandaða veiði, tó mest av toski. Vit vænta, at hesi trý skipini landa fyrst í hesi vikuni.
Eitt annað línuskip, sum frystir veiðina umborð, fiskar eisini undir Føroyum í løtuni.
Fríggjadagin væntaði Fiskamarknaður Føroya, at fleiri skip fóru at loysa um vikuskiftið.
Útlitini til útróður eru góð, tí bæði streymur og veðurútlit eru til vildar.
- Vit vænta tí nakað av útróðrarfiski hesa vikuna, og talan verður helst um tosk og hýsu, sigur marknaðurin.
