Tey víðakendu, vælumtóktu og stuttligu føroysku trøllini hava pakkað
kuffertini og eru klár at fara á Frigg festivalin, sum verður í Kongens
Have 9. og 10. mai.
Trøllaomman er líkaglað um hon ikki stendur í festivalskránni. Hon elskar
at vera mitt í rokanum, har tingini henda, og tí hevur hon lokkað Trølla
Pætur við sær til Keypmannahavnar, har tey bæði fara at hava sín egna
trøllabás á festivalinum.
Á Frigg ætlar Trøllaomman at lurta eftir tí
besta, villasta og kulasta tónleikinum, práta við øll fólkini, sum hon
hittir og kennir, og allarmest av øllum at heilsa uppá øll børnini og
hugna sær.
