Vaktleiðarin á løgreglustøðini visti í morgun at siga, at náttin hevur verið so friðarlig, sum sjáldan áður.
- Tað er ikki meira enn, at telefonin hevur ringt.
Gjáramorgunin hevði løgreglan enn einaferð málrælttað átak, har vitjað varð við skúlar og dagstovnar.
- Vit vóru við skúlar og stovnar eitt nú í Klakavík, Havn og Sørvági, og sum heild vóru børn væl íbundin.
Í Klaksvík vóru tó tríggjar bøtur skrivaðar í gjár.
- Í tí eina førinum sat barnið ikki í trygdarbelti, og í einum øðrum føri var tað bilførarin sjálvur, sum ikki var íbundin.
Vaktleiðarin visti í morgun at siga, at í tí triðja førinum í Klaksvík steðgaði ein bilførari í steðgiplássinum hjá bussunum.
- Soleiðis skrivaðu vit tríggjar bøtur í Klaksvík í gjár, segði vaktleiðarin í morgun.
Løgreglan heldur, at tað sum heild er væl vorðið við skúlar og barnagarðar.
- Tess oftari vit eru úti og kanna umstøðurnar, jú betur er vorðið.
Vaktleiðarin helt fyri, at kanska gloymir onkur seðlarnar, tá longri er ímillum átøkini hjá løgregluni.
