Nú fer at líða torradøgunum í fiskivinnuhøvuðsstaði okkara, Klaksvík. Men fleiri áhugaverd tiltøk eru eftir enn. Seinnapartin í dag millum kl. 15 og 19 verður eitt teirra á skránni. Her er talan um eitt serligt heilsutiltak á Klaksvíkar Sjúkrahúsi.
Á tiltakinum, sum tey nevna eina Heilsu-café, verður gjørligt at kanna blóðtrýstið og blóðsukrið, eins og ein kann kanna sítt BMI og kondital. Møguleiki verður somuleiðis at máta lungnafunksjónina.
Sjúkrarøktarfrøðingar við servitan innan diabetes og lungnasjúkur vegleiða tey vitjandi, saman við fysio- og ergoterapeutum.
Høvið verður haraftrat at tekna seg sum blóðdonor.
Okkurt leskiligt verður at fáa bæði til matna og drekka.
