Seytjanda umfar í næstbestu fótbóltsdeildini verður seinnapartin.
AB er topplið, og alt bendir á, at argjamenn aftur næsta ár vera at síggja í fremstu røð. Einasta liðið, sum higartil í ár hevur megnað at vunnið fulla úrtøku ímóti AB, er KÍ. 22. apríl fóru argjamenn úr Klaksvík við 3-1 tapi.
Síðani tá hevur AB vunnið tíggju ferðir og einaferð spælt javnt. AB er topplið við 37 stigum, og KÍ er næstfremst við 36 stigum. Klaksvíkingar hava tapt tveir dystir higartil í ár – í Gundadali ímóti HB og á Toftum.
B68 er á triðja plássi og harvið á uppflytingarplássi við 29 stigum. Toftamen eru á veg til Fuglafirðar at hitta ÍF, sum einki stig hevur fingið.
NSÍ, sum er á fjórða plássi, fær vitjan av B36, sum hevur ilt við at sleppa undan niðurflytingarvandanum.
B36 kappast um áttanda plássið við Suðringar, sum í dag fáa vitjan av HB, ið hevur staðið seg betri í ár, enn næstbesta HB liðið hevur gjørt í nógv ár.
Giza Hoyvík fær á nýggja vøllinum í Hoyvík vitjan av Víkingi, sum er á fimta plássi. Hjá Giza Hoyvík er dagsskráin at sleppa longri burtur frá hóttanini av niðurflyting.
17. umfar
Í dag
ÍF-B68: Bent Tommy Linklett kl. 15.00
NSÍ-B36: Petur Reinert kl. 15.00
Giza Hoyvík-Víkingur: Jóhan P. Michelsen kl. 17.30
AB-KÍ: Súni Fríði Johannesen kl. 17.00
Suðringar-HB: Janus Fossdalsá kl. 15.00
Støðan undan seytjanda umfari
AB 37
KÍ 36
B68 29
NSÍ 26
Víkingur 25
HB 24
Giza Hoyvík 17
B36 16
Suðringar 16
ÍF 0
