Næstformaðurin í norska flokkinum Vinstra, Helge Solum Larsen, er skuldsettur fyri at hava neyðtikið eina 17 ára gamla gentu seinasta vikuskiftið. Tað skrivar blaðið VG.
Ein talsmaður fyri flokkin sigur, at tann 43 ára gamli Helge Solum Larsen hevur viðgingið, at hann hevði kynsligt samband við gentuna, men at talan var ikki um neyðtøku. Gentan heldur hinvegin uppá, at hann bleiv neyðtikin.
Helge Solum Larsen, sum hevur verið næstformaður í Vinstra síðani í 2010, hevur nú sagt starvið frá sær. Hann hevur verið býraðslimur í Stavanger síðani 1991.
