Start við Toda Jónsson við frá byrjan kundi einki gera við niðurlendska Ajax í UEFA Cup í gjárkvøldið. Sjálvt um Start hevði heimavøll, vann Ajax dystin 5-2.
Start Kristiansand fylgdi væl við niðurlendska stórfelagnum tann fyrsta lítla tíman. Ajax kom á odda 1-0. Start javnaði, men Ajax kom aftur fram um 2-1, og tað var hálvleiksstøðan. Í seinna hálvleiki javnaði Start til 2-2 eftir gott upplegg frá Toda, men so skrædnaði, so Ajax fekk trý mál afturat og vann 5-2. Todi Jónsson var við frá byrjan hjá Start og spældi í 66 minuttir, tá David Nielsen kom inn fyri hann.
Seinni dysturin millum Start og Ajax verður í Amsterdam, men møguleikarnir hjá Start at sleppa víðari í UEFA-kappingini eru sera smáir.
