Óli Breckmann varð ikki afturvaldur á ting seinast og tykist ikki serliga áhugaður í varatingsessinum, sum hann hevur í løtuni. Tórbjørn Jacobsen hevur boðað frá, at hann stillar ikki upp til næsta val.
Men politiskir eygleiðarar innarliga í Tjóðveldinum siga, at glyvramaðurin kortini stillar uppaftur. Teir siga, at hetta er eitt stunt hjá Tórbjørn Jacobsen, soleiðis at hann stutt fyri valið kann siga, at eftir nógvar áheitanir, so hevur kortini gjørt av at stilla upp. Honum dámar so væl at yvirraska, verður sagt. Hetta frætta vit uttan iva meira um á Rás2 í annaðkvøld.
