Tað kostaði Marin Katrinu Frýdal sessin í bygginevndini fyri brúnna um Sandá, tá hon alment fanst at Heðini Mortensen, borgarstjóra, í marsmánaði.
Tí er hugsandi, at nevndirnar í Tórshavnar býráð verða broyttar, nú Tjóðveldi er farið úr samgonguni.
Jógvan Arge er varaborgarstjóri. Men hann missir ikki sessin uttan so, at hann sjálvur sigur sessin frá sær. Formansskapurin í býráðnum er valdur fyri alt valskeiðið.
Í seinasta valskeiði fór táverandi varaborgarstjóri hjá Tjóðveldi, Bogi Andreasen, úr Tjóðveldi og upp í Fólkaflokkin. Hann fór harvið úr samgonguni og upp í andstøðuna. Men hann segði ikki varabrogarsessin frá sær. Spurningurin er so, um Jógvan Arge heldur líka fast við varaborgarstjórasessin, sum Bogi Andreasen gjørdi. Sessurin sum varaborgarstjóri hevur tó ongan praktiskan ella politiskan týdning fyri valdsbýtið í býráðnum.
Nenvdarbýtið í býráðnum sær nú soleiðis út (umboðini hjá Tjóðveldi við kursiv):
Fíggjarnevndin:
Heðin Mortensen, form.
Tróndur Sigurdsson
Sjúrður Olsen
Jógvan Arge
Annfinn Brekkstein
Tekniska nevnd:
Elin Lindenskov, forkv.
Sigrún Mohr
Helena Dam á Neystabø
Bogi Andreasen
Marin Katrina Frýdal
Mentamálanevndin:
Helena Dam á Neystabø, forkv.
Tróndur Sigurdsson
Sigrún Mohr
Bogi Andreasen
Jógvan Arge
Trivnaðarnevndin:
Bjørghild Djurhuus, forkv.
Sigrún Mohr
Halla Samuelsen
Annfinn Brekkstein
Marin Katrina Frýdal
Vinnunevndin:
Sjúrður Olsen, form.
Tróndur Sigurdsson
Halla Samuelsen
Bjørghild Djurhuus
Jákup Dam
Økisnevndin:
Jákup Dam, form.
Annfinn Brekkstein
Bogi Andreasen
Elin Lindenskov
Halla Samuelsen
