Pest er staðfest hjá einum íkorna í amerikanska tjóðgarðinum Agnelos National Forest.
Tey vitjandi í garðinum vórðu biðin um at fara út haðani, tá regluligar kanningar høvdu staðfest smittuna, skrivar BBC sambært TV2.
Eingin í økinum skal vera smittaður av pest ella Yersinia pestis, um bakterian eitur - betur kend sum svartideyði.
Í miðøldini var svartideyði eftir øllum at døma atvoldin til, at umleið 50 milliónir av teimum 80 milliónum íbúgvum í Evropa vórðu týnd.
Svartideyði er ikki bastur enn. Á hvørjum ári fáa út ímóti 2000 fólk smittuna, verður mett.
Hetta er ein gnagarasjúka, sum smittar við loppubiti. Tá ið loppuberararnir doyggja, leita kyktini til menniskju. Verður ígerðin ikki viðgjørd við bakteriutýnara, doyr tann smittaði vanliga av pestini.
Tjóðgarðurin verður stongdur, til ein víðfevnd pestkanning er gjørd av íkornum.
(mynd: TV2)
