Í dag byrjar sendingin hjá Rás2 úr Keypmannahavn Ghetto Føroyar. Sendingin hevur verið í summarfrí, men nú eru útisetarnir aftur at finna á Oyrasundsnæmingaheiminum, og tí byrjar sendingin aftur í dag.
Klokkan 15.00 fer enn ein nýggj sending av Ghetto Føroyar av bakkastokki. Sendingin í dag fer at snúgva seg um embætisverkið. Skulu embætisfólk verða við í almenna kjakinum, hvat hava tey loyvi til at siga, og hvørjar avleiðingar kann tað fáa, um eitt embætisfólk sigur sína hugsan alment.
Tað fara Ghetto Føroyar fólkini at kjakast um í dag.
Haraftrat verður livandi tónleikur við Høgna Reistrup.
Í fyrra tímanum verður eisini møguleiki at hoyra hvussu trupult tað kann vera at flyta til Danmarkar, og fáa nøkur góð ráð um hvat gerast skal, tá ið adressan verður flutt.
