Nú er Helgi Abrahamsen í allari almindiligheit ein siðiligur og sáttligur maður. Men onkrir »gamalkommunistiskir« tónar hómast í hesari útsøgnini hjá honum á Facebook:
»Sambært myndafrásøgn í Dimmalætting taldist aðalstjórin í Almannamálaráðnum millum tey, sum leygardagin mótmæltu, at blokkstuðulin veksur. O.K. so vita vit, hvar vit kunnu spara. Almannamál eru helvtin av fíggjarlógini, og um aðalstjórin heldur, at pengar ikki mangla, hví skulu vit onnur so?«
Hetta er óhugnaligt –?og lítið hugalig politisk dagsskrá hjá fakfelagsfólki at fyrihalda seg til.
– Og forrestin... Aðalstjórin, sum Helgi Abrahamsen meinar við, Eyðun Mohr Hansen, býr niðri í Vágsbotni, hann er ein av næstu grannum Nólsoyar Páls. Hevur Helgi Abrahamsen spurt hann, um hann var á fundi, ella hann bara kom framvið á veg til hús?
– Ein umbering hevði sømt seg, góði Helgi Abrahamsen!
