Limirnir í vinnunevnd Løgtingsins vitjaðu á Føroya Bjór í Klaksvík í dag.
Tey, ið luttóku vóru Bjørt Samuelsen, Jørgen Niclasen, Jákup Mikkelsen, Bjarni Hammer og Bjørn Kalsø.
Umframt hesi sita eisini Jógvan Skorheim og Ingolf Olsen í vinnunevndini.
Endamálið við vitjanini var at fáa kunning um virksemið hjá føroyskari framleiðsluvinnu. Føroya Bjór, ið varð stovnað í 1888, telist í dag millum elstu framleiðslufyritøkur í landinum.
Umboð frá Føroya Bjór greiddu frá avbjóðingum og møguleikum fyri hesa føroysku vinnugreinina.
Føroya Bjór framleiðir fleiri enn 50 ymiskar vørur, ið fevnir um sodavatn, vatn, maltøl, øl og Whisky.
