Mikudagin verður eitt tiltak í Tilhaldinum í sambandi við gongutúrar í vetur.
Eitt av teimum mongu tiltøkunum hjá Tilhaldinum í Tórsgøtu eru gongutúrarnir hvønn mikudag. Fyriskipararnir hava í mong ár verið Randi Petersen og Elisabeth Andreasen, fysioterapeutar. Nýggju fyriskipararnir eru Ingigerð á Trøðni og Kjartan Kristiansen. Í morgin 2. nov. kl. 15.00 verður hugarok í Tilhaldinum, har øll eru hjartaliga vælkomin við hugskotum til túrar í vetur.
