Tað gongur væl við nýggja tilbygninginum til Vágsverkið, sum skal húsa nýggja motorinum, sum skal setast upp eftir summarfrítíðina og eftir ætlan koyra fyrst í komandi ári.
Tað er Articon, sum stendur fyri arbeiðinum at byggja tilbygningin til Vágsverkið. Tilbygningurin skal verða klárur at taka ímóti nýggja motorinum, tí sokallaða M4, í august mánað. Frammanundan eru tveir eldri motorar, M1 og M2, og ein eitt sindur nýggjari motorur M3 á Vágsverkinum. skrivar sudurras.fo..
Nýggi motorurin er ein Wärtsilä motorur typa 9L32 og ein generator av slagnum ABB við eini samlaðari effekt á 3974kWe. Talan er um eina framkomna loysn, sum tryggjar SEV økta streymveiting í Suðuroynni komandi árini.
