Í gjár, mikudagin 26. februar klokkan 14, var lisitatión uppá útbyggingina av skúlanum í Leirvík.
Fimm fyritøkur vórðu bodnar at lata tilboð inn, og inn komu fýra tilboð.
- Útbyggingin fevnir um niðurtøku av pørtum av skúlabygningunum í Leirvík, og nýbygging av skúlastovum, fimleikahøll, tónleikastovu, bókasavni og lærarahølum og øðrum.
Tað siga tey í Eysturkommunu í dag.
Lagt verður aftrat, at tær fýra fyritøkurnar, sum lótu tilboð inn, vóru Búsetur, Kanjon, Articon og HVT.
Tá brævbjálvarnir vórðu latnir upp, átti Kanjon lægsta boðið, áljóðandi kr. 64.473.962,-
##med2##
- Verkætlanin er samlað mett at kosta: kr. 95.000.000, og kommunan fer nú undir at gjøgnumganga tilboðini, siga tey í Eysturkommunu í dag.
